TURGEN

                                       Toto Nande
                                                               Penulis Feri Perdamenta

Kundul dingen tertande si Erlayas i kursi siibentuk ibas bahan semen nari i tepi pantai Losari, Makassar, nimai-nimai matawari kusundutna(sunset). Arah kawesna kundul sizahara, putri Makassar anak pak Andi Gozzali, sekalak tokoh isegani ibas lingkungenna. Erlayas kuliah i universitas negeri Makassar. I rumah kos-kosan pak Andi Gozzali me ia tading. Erkiteken rumah pak Andi Gozzali pe ibas lingkungen rumah kos e, menam tiap wari Erlayas jumpa ras Zahara, anak sada-sadana diberu pak Andi Gozali.

Bagi nina pepatah “Dari mana datangnya lintah, dari sawah turun ke kali. Dari mana datangnya cinta, dari mata turun ke hati”, bage me tiap wari ia jumpa piah turahme ate ngena ibas ia pekepar. Situhuna adi potongen daging Erlayas labo lebih kel. Arah pudi nari itatap lit permiripna bagi Amita Bachan, lang adi arah lebe nari cukup-cukup man ngenca. Saja, banci jadi pengkebet Erlayas si mehamat man kalak simetua, ramah, ringan tangan guna nampati, bujur, rajin, rasp e pintar, eme erbanca ia jadi pribadi singena ate kalak. Laterkecuali keluarga pak Andi Gozali pe.

Empat tahun me Erlayas enggo erteman ras Zahara. Keluarga pe setuju karina. Emaka dua tahun terakhir, uang kos pe lanai ialoken keluarga pak Andi Gozali, nakanna pe mekatep iembahken Zahara. Emaka aman kel ia ibas ingan kosna sedekah ia  kuliah. “bila ada perlu nak, jangan sungkan! Bapak akan bantu sebisa mungkin”, bage me pernah pak Andi Gozali tersena(ngerana) man Erlayas.

Tupung Erlayas i wisuda dua wari silewat, la terberkatkenna bapa-nandena i kuta nari erkiteken ongkos. Pak Andi Gozali, ndeharana rikut ras Zahara me pendampingna. Bangga kel kalak e sebab Erlayas wisudawan tertinggi indeks prestasina, alu cum laude. Cirem ras tawa keluarga pak Andi Gozali. Meriah dingen tersanjung ka akapna. Nterem kalak mereken selamat man ban ape. Erlayas pe meriah nge iakapna. Saja sesekali teringet me ia bapa-nandena si peberkat ia ndube kuta nari, emaka deher iluhn. Ibas bagedi e, mis lampas ikuasaina dirina gelah ula tereteh men keluarga zahara.

Bage me rukur Erlayas ku pudi kerna kai sienggo jadi sedekah ia kuliah i Makassar. Nandangi berkat me ia mulih ku sukanalu teran, taneh karo, taneh kemulihenna. Ukurndu ergedebur desken ombak laut pantai Losari e. mbestak tempa atena ndarat, tapi lit baling-balengna. Itatapna ayo Zahara sikundul isampingna. Ingetna kepolosen putri Makassar simejile ei. Ingetna ka kiniulin sienggo isehken keluargana. Ndekah duana ia sinik. Banci jadi si Zahara pe erguapa ndia, adi kune Erlayas mulih ku kutana. “Ntah kin bang Erlayas, putra karo enda desken lau ibas bulung bewan, mentas la erbekas. Adi kune bage kin pagi ari, getem nari nge pagi pusuhku.” Bage nini pusuh Zahara adi bas bahasa karona. Piah lanai ia pang natap Erlayas. Ayona ndabuh ku garana, tandame reh udan. Tangis ia alu tungkuk. Itutupina ayona alu ujung jilbabna.

Zahara, terlalu berharga air matamu jatuh kepasir dek. Mengapa kamu menangis? Ibuat Erlayas sapu tangan, ilapna iluh Zahara si nirciren arah ayona simejile ei. Kese-kese ia nahan perasaanna, mbue tempa man turikenna, tapi lit tempa sinumbatsa.

Bang, bapak punya teman di pemerintahan. Kalau abang disini, tidak akan lama lagi akan dapat diterima jadi pegawai negeri. Kita tinggal disini aja, kalau bibi sama bengkila bisa kita bawa kemari. Bage me iamburkrnna isi pusuhna alu erbatabata. Ipediat Erlayas zahara tertande tangis bas barana. Tergejap man bana maka enggo maler iluh zahara she kukulitna. Itatapna ndauh ku lebe ngenehen matawari ndabuh ku sundutna. Ikut perukurenna pe she ku kutana. Teringet ia kerna bapana I juma nuan kol. Ingetna nandena mere manuk. Tupung ia laws ku Makassar, iban me kebaktian ras pertoton pemberkatan ibas pendeta, pertua ras perpulungen sektorna nari. Pepagina ia laws, nandena sierbahan pertoton, nina “O tuhan, kujape pagi laws anakku enda, ula kel ia sirang ras kam Bapa. Tetaplah jemakna kinitekenna man baNdu, sebab kam ngenca ingan kami terkelin.” Mambur iluhna peberkat Erlayas. Toto nandena enda lalap tergiang ibas ukurna.

Zahara, aku pun tak memungkiri bahwa aku pun sangat menyayangimu. Keluargamu pun tak ada cacat cela di mataku. Empat tahun kita bersama sudah cukup menyakinkanku. Sudah begitu banyak pengorbanan keluargamu kepadaku. Aku sangat berhutang budi pada kalian. Tapi bukan itu alasanku untuk mencintaimu. Aku memang menyayangimu dek,. Reh tangisna Zahara megi cakap e. reh nina ukur Erlayas, ‘Bagi suina ra melana iakap orangtuaku adi kune aku pindah agama, bage ka me pe suina iakap orangtuana adi kune Zahara pindah agama. Kecuali adi ia ras orangtuana nggit pindah man kinitekenku. Adi erjabu beda agama, e nandangi lanai bo kari erturi-turin. Lit kap ikataken rasul petrus ibas II Korintus 6:4,”Ola kam nggit teriket ibas sada pasangen ras kalak silatek man tuhan. Jange banci kebenaren erkongsi ras kejahaten! Jange banci ersada terang ras gelap”. Lidia kando ras jamal mirdad si enggo ndekah erjabu beda agama pe enggo menam-menam simulihen. Emaka labo lit gunana muat resiko silaperlu. Sipenting aku enggo ncidahken kualitas Permata GBKP man kalak Makassar enda, man keluarga pak Andi gozali. Janah arus tetap kujaga kinitekenku  man Tuhan Jesus. Oh nande, labo kutadingken Tuhan Jesus iban Zahara simehuli meparas enda, bage me ngerana pusuh Erlayas.

Dek, segala sesuatu yang dibangun atas dasar emosional, kuranglah baik hasilnnya. Cinta yang dibangun atas keputusan emosional sama halnya membangun rumah di atas pasir. Kelihatannya sementara kuat dan kokoh, tapi pada saatnya akan rontok dan longsor. Andai kamu memang jodohku, tidak aka nada yang memisahkan kita. Jangankan pulau, benua pun tidak sanggup. Itepuk Erlayas bara Zahara. Sinik Zahara ras reh tenengna. Tempa banci ia ngangkai maksud Erlayas.

“Bang, kuras aku tidak akan pernah menyesal punya sahabat sekaligus kekasih putra karo sebaik kamu. Terbanglah! Tetapi ingat pula, bahwa ada seorang gadis Makassar yang akan terus merindukanmu.” Nina alu sora perau dingen tangis i ruang masuk bandara . “Dek, kerinduanlah yang membuat orang pulang. Tetapi apa yang dirindukan tak selamanya harus dimiliki. Aku pun bangga punya sahabat serta kekasih sepertiomu. Andai kita jodoh, Makassar dan Tanah Karo bagai sekejap mata saja. Tan kalak e sijemakan tempa mbiar pulah, tapi pengumumen waktu jadwal keberangkaten erban tak kalak e arus pulah. Sirang me kalake alu perukuren msing-masing dingen iluh mambur. Berkat me Erlayas, Zahara pe laws. Mbiar ia la ngasup sirang.

Pesawat Lion Air melaju reh pedasna she maba kabang reh ganjangna nadingken landasen udara sultan hasanudin, Makassar. Itatap Erlayas pemandangen kota Makassar. Nirciren iluhna nginget erbage suka-duka si enggo ialamina. Terlebih bayangen Zahara sitempa tedis ras melambaiken tanna. “Zahara.,….!” Nina la igejapna. Iserengkenna singuda nguda si lit i kemuhenna ia. Sadar Erlayas Ia terbaba emosi, emaka mis ka kuasaina dirina.

Ipitpitkenna matana, Bapa , nande, enggo kudungi sekolahku. Enggo kupertahanken kinitekenku man Tuhan Jesus. La kel kepe sia-sia kiniulin ras kiniteken siicidahkenndu. Kuhamati ras kukelengi me kam kidekah geluhku. Malemlah atendu arah kegeluhenku. Bapak Andi Gozali, ibu dan zahara, aku tidak akan pernah melupakan kebaikan kalian. Suatu saat nanti aku pun akan dapat membalasnya. Zahara, andai kita tidak bersatu dek, cinta kasihku tak akan luntur, karena Tuhan Yesus mengajarkan untuk mengasihi semua orang, bahkan musuh sekalipun. Apalagi kamu Zahara, kamu yang telah berlabuh dihatiku, aku tak mungkin melupakanmu. Bage me perukuren si nguasai Erlayas ibas perdalanen e, subuk transit I Jakarta ku medan.

Ndarat kenca Erlayas ibas ruang kedatangen i bandara polonia, enggo nimai bapa ras nandena rikut ras keluarga mborong motor i kuta nari. Idakep nandena Erlayas,” Anakku, anakku, anakku, terpujilah Tuhanta Jesus, en”. Tangis ia asa gangna , piah enggo jadi perhatin kalak sideban. Idakepna ka bapana ras isalamina ka kerina keluarga sireh. Malem atena karina, malemen ka ateta si ngoge.

Orang tua berperan penting guna mabai anak-anak erkiniteken ras memiliki kualitas kiniteken si handal. Kai siisuan e ka me siperani. Ikataken ibas kuan-kuanen(amsal) 29:17,”Berekenlah ajar man anakndu, maka megah dingen malem atendu ibahanna”.  Mejuah-juah kita kerina.

Sumber: WGM Edisi 267 Juni 2013 Oleh Pdt Arapen Perangin angin.